/ 平民也能吃得好 /

// 10 03 24 晴天🌞 18:30 中環 安慶大廈 燒烤堂 Skewer Kitchen 平民也能吃得好 ☺︎ 「燒烤堂」 ——— 一聽就知係食串燒嘅地方，佢哋嘅裝修會以日式為主調。雖然，大家可能認為，咪又係食串燒嘅居酒屋。 嗱，咁諗你哋就錯啦！ 「燒烤堂」集合咗過百款以上嘅串燒，當中包含；港｜泰｜日｜川｜西｜台｜新疆等風味，而且價錢亦非常之公道，最平嘅串燒仲會低至$12起。 𝘞𝘰𝘸…今次，終於輪到我實現食串燒食到飽嘅自由啊～ 𖤐ˊ會有加一服務費 🔻蒜蓉燒廣島蠔 x2 HKD$88 ꕀ 廣島蠔飽滿 食起嚟多汁、鮮甜 表面灑滿大量蒜蓉同蔥粒 一啖一隻極為惹味 🔻雞皮墨魚滑 HKD$38 ꕀ 呢款配搭堅正 墨魚滑夠鮮味、夠爽彈 再被一層肥美嘅燒雞皮包住 嗰陣油香四溢嘅滋味 食過必定返尋味 🔻牛油蜜糖日本蕃薯條 HKD$38 ꕀ 蕃薯條外層即使吸晒牛油、蜜糖嘅精華 都依然𝘬𝘦𝘦𝘱住脆卜卜 當咬入裏面 更加係香甜綿密 絕對係百分百嘅邪惡首選 🔻汁燒免治雞肉軟骨棒 (付月見) HKD$38 ꕀ 有齊軟骨同肉嘅質感 食起嚟好過癮 再配埋生雞蛋汁 又滑又脆又有咬口 整體層次零舍豐富 🔻椒鹽燒多春魚 HKD$32 ꕀ 燒得酥脆 內裏包住滿滿嘅魚子 甘香味美 作為佐酒小食 相當唔錯 🔻孜然牛肉串 ꕀ 孜然味濃郁 牛肉當中更有少少筋位連住 食起嚟會較有肉感 🔻汁燒橫隔理肌｜中切鹽燒牛舌芯｜海苔黑豚肉鵪鶉蛋｜福岡味噌松阪豬 HKD$28/1串 ꕀ 🔻汁燒橫隔理肌 肉質軟嫩、𝘫𝘶𝘪𝘤𝘺唔會過韌 經醬汁調配後 帶有陣陣微甜嘅牛香 🔻中切鹽燒牛舌芯 切得夠厚 牛味超濃 食嗰陣𝘧𝘦𝘦𝘭到爽脆 而且越嚼會越多肉汁 🔻海苔黑豚肉鵪鶉蛋 鵪鶉蛋被一塊鬆軟、香甜嘅黑豚肉包緊 再唧上幼滑嘅沙律醬同大量紫菜碎 可以話係有極多重嘅口感 🔻福岡味噌松阪豬 食落去味道甜甜哋 肉質有彈性之餘 外皮仲帶微微嘅豬油香 🔻手切牛胸爽｜香辣雞腳根｜鹽燒原塊雞皮｜鹽燒阿波尾七里香｜鹽燒豚肉荔枝卷 HKD$22/1串 ꕀ 🔻手切牛胸爽 一咬即咇牛油 成個口都籠罩住超濃厚嘅油香 全程都𝘬𝘦𝘦𝘱住爽彈、爽彈 當灑上適當嘅辣粉 惹味程度簡直爆燈 🔻香辣雞腳根 雞腳筋會連住少少軟骨位 同時集齊軟、脆、煙靭嘅口感 配埋麻辣粉 勁有四川風味 🔻鹽燒原塊雞皮 佢係一幅原塊大雞皮 厚薄控制得啱啱好 燒完之後 食起嚟啖啖都激脆、超香 直情係生炸雞髀嘅味道 🔻鹽燒阿波尾七里香 雖然係雞𝘱𝘢𝘵 𝘱𝘢𝘵 但絕無異味 反而有股雞油嘅香氣 入口即化嘅感覺 食完亦唔會覺得肥膩 相當有驚喜 🔻鹽燒豚肉荔枝卷 當油香十足嘅豚肉 遇上 清甜多汁嘅原粒荔枝 無論味道定口感都特別豐富 🔻滷水豬大腸 HKD$24 ꕀ 日式滷水汁風味 豬大腸質感軟腍 咀嚼嗰陣仲𝘧𝘦𝘦𝘭到啲肥膏唧出嚟 最重要係肥而不膩 超讚 🔻鹽燒雞軟骨｜蒜蓉菜圃燒豆皮 HKD$16/1串 ꕀ 🔻鹽燒雞軟骨 軟骨同肉相連 食起嚟咯咯聲 超級療癒 🔻蒜蓉菜圃燒豆皮 豆皮燒到帶點焦香 撈埋爽脆嘅菜圃 口感即時軟中帶脆 十分特別 🔻燒初生雞蛋｜蜜糖燒芋頭 HKD$12 ꕀ 🔻燒初生雞蛋 對我嚟講係款比較新奇嘅串燒 好似將蛋白同蛋黃互𝘮𝘪𝘹 面層加咗燒汁去做吊味 當咬落焦脆咗嘅位置 仲會有卟一聲嘅效果 🔻蜜糖燒芋頭 芋頭外脆內綿 加咗蜜糖之後 會多一種甜甜哋嘅感覺 🔻青檸菠蘿梳打 ꕀ 裏面會有好多甜酸可口嘅新鮮菠蘿肉 當混合微酸嘅青檸汁 味道好𝘧𝘳𝘦𝘴𝘩 飲落去嗰種消暑解渴嘅感覺 立即出晒嚟 🔻爆打香水檸檬茶 ꕀ 香水檸檬獨特嘅馥郁非常迷人 另外茶底唔澀 甜度剛好 ꕀ #中環#安慶大廈#燒烤堂#skewer#日式串燒#香港美食#美食推介#UCreatorHK#MOMENTSwithUCreator#BESTFOODwithUCreator 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_s